單卡機都做到 ! 教你玩一機 2 號 + 雙 WhatsApp



讚好此文:

六月 10, 2016 • ANDROID APPIOS APPIPHONE APP實用技巧應用軟件 •
有幾多讀者同小編一樣有兩個電話號碼呢?一個係主要嘅號碼,親友同事就用這個聯絡;而另一個就用來上網買下嘢時出去交收聯絡、玩市場推廣遊戲登記之用等。有第二個號碼嘅好處就係無手尾,打來副號嘅電話,小編一律都唔聽的。要用到兩個號碼,除了帶兩部電話仲可以點?
whatsapp2-694x434 copy

方法一:做個「雙槍將」

如果要有兩個號碼用兩個 WhatsApp,最簡單就係用兩部手機,然後放入不同 SIM 卡,再在每部手機各裝一個 WhatsApp,咁就得啦。不過問題係:做「雙槍將」唔係咁容易,莫講話出多部機幾千蚊,晚晚要叉多一部機都夠煩!當然你可以話:咁出部有雙卡雙待功能嘅手機咪得囉!不過不是每款旗艦手機都有雙卡版,碰巧你心儀嘅手機又只得單卡,點算?

方法二:一機多號

用「一機多號」呢個 App,就算你部 Android 手機是單 SIM 或者是支援雙卡雙待,都可以喺一部手機上用到多個號碼同埋兩個 WhatsApp 帳戶。連埋主號,最多可以一部手機管理多達 5 個號碼,還可以將另一個已經用緊嘅 WhatsApp 電話號碼 port 去個主號碼度(需要到門市辦理手續)。而且用足 30 日都只需要 $35,開個號碼黎傍身就最啱。由開新號碼到繳費都可以喺 App 入面做哂,唔洗落街排隊,方便到極。小編試過,開一個號碼 3 分鐘唔洗就得。用呢個「一機多號」,再配埋 「Parallel Space」,就算一部單卡手機,都可以玩雙 WhatsApp 啦。

「一機多號」賣點

到底呢個 App 有咩賣點咁值得推薦呢?小編為大家列出數個賣點:

1. 一機多號 唔同號碼俾唔同人

用不同嘅電話號碼,將工作同私人生活分開。又或者網上買賣時聯絡,攞優惠著數時要用手機認證?亦可以用開一個「推廣專用」號碼,減省將主線號碼洩露給第三者嘅機會,減少收到滋擾廣告電話嘅機會。
Combin2▲收到 來電 / SMS 時,一眼就可以分辨來電者,打去邊個號碼。
S60607-215913
▲可以設定打去「副號」嘅來電,直接飛去留言。呢個號碼,用黎登記攞優惠時就啱哂!

3分鐘立即開設「一機多號」的新號碼

以下,就即刻講下點樣用「一機多號」開多一個新嘅附屬號碼,即是「副號」啦!
Combin3
▲首次啟動應用軟件時,要先註冊主線號碼 。(注意:驗證碼以 MMS 送出,要確保有流動數據呀!)完成驗證後,可以選擇試用或登記。之前未用過,覺得有興趣 ? 睇埋落去,攞返個 30天試用 (一個月)推廣碼啦!
2.1 ▲ 登記試用後就可以揀返個靚號碼。「一機多號」提供多達 10 個號碼比你揀。
3.0 ▲ 用家可以為每個「副號」設定唔同嘅名,以便識辨。設定埋,就完成登記喇!小編當日用左只係 3 分幾鐘就開左個新 Number 喇!

2. 雙開通訊 App 認識更多朋友

遇到有人抄牌嘅時候,即該開返個新號碼,再順便用雙開 App 到開個 WhatsApp 分身,快過去便利店買儲值卡。畀個新 Number「新朋友」,傾多兩句唔啱嘴型,就即刻喺「一機多號」入面刪除左個號碼,從此無手尾跟。雙開 App 有不少,有部分是需要 root 權限,需要 root 機才可以使用。今日就等小編介紹一下其中一個評價比較高,又不需要 root 機嘅一款「Parallel Space」。
3.1▲Play Store 上這一類雙開 App 應用有幾款,好似 Parallel Space、雙開助手、App Cloner。
4.0▲安裝好 Parallel Space 之後,在 App 主畫面就可以見到 App 嘅設定。下面「+」號就可以雙開一個 App。
4.1▲預設會推薦一些多人雙開嘅 App,如社交類/遊戲類 App(Instagram 官方已經支援多重身分,所以無必要)
Combin4
▲ 加左 WhatsApp 之後,就可以系 Parallel Space 嘅主畫面見到新開嘅 WhatsApp。這個 WhatsApp 就好似剛剛由 Play Store 下載嘅一樣,喺呢到輸入剛剛開嘅「副號」。
擷取1
▲轉個頭,「副號」就會收到 SMS。喺「一機多號」App 入面嘅「訊息」,就見到 WhatsApp 六位驗證碼。輸入去 Parallel Space 入面嘅 WhatsApp 就可以用架喇。
image001
▲搞掂!

3. 界面簡單易用

  
▲ 界面同原生電話 App 嘅界面無大分別,每個號碼都有自己嘅通話紀錄、通訊錄,咁就唔會混淆啦。
smartone2 ▲ 十分貼心地,每個號碼都有不同顏色嘅界面,用家可以好容易就知道用緊那一個「身份」。
Combin6
▲用「副號」打出嘅電話 / 發出嘅 SMS,對方只會睇到相應「副號」嘅號碼。對方不會知道你用緊「一機多號」撥出電話,亦無法知道你嘅主線電話或者其他「副號」嘅號碼。

4. 隨時隨地接聽家居電話

8.0
▲「一機多號」除了可以喺 App 入面開新嘅號碼,仲可以加入用緊嘅電話號碼。就連固網電話都可以。而家大家都慣左揸手機多,想扔左屋企個家居電話,但又想留著個號碼,就可以將用緊嘅固網號碼加入到「一機多號」,一部手機就攪掂。就算出左街,人地打黎都隨時聽到。

5. 每日 $ 5 仲設封頂 超抵玩

一個大賣點就係,呢個服務嘅費用超平。每個號碼淨用1日只係$5,仲有封頂價, 每個號碼每 30 日最多都只係收 35 蚊!用黎做埋家居電話就啱哂,而家 D 家居電話講緊五六十蚊一個月,仲要簽十幾個月約,想 Cut 都唔得。「一機多號」用一個月先比一個月唔洗簽都得。

總結:抵用、方便 「一機多號」

總括而言,要用一部手機管理唔同電話號碼,包括固網同流動電話,「一機多號」都係成本最低、最方便、而且手續最簡單嘅服務。只要係新登記嘅號碼,而家仲有免費試用 7 天,可去 App Store、Google Play 下載。另外,各位 wire 民如果申請「一機多號」服務,只要是新客戶*,下載 APP 後輸入推廣碼 ADVJUNUW (此推廣碼登記日期至2016年6月30日),就可以免費試用「一機多號」30日,真係可以免費試用,無論你用緊邊個台,都可以用得架!
「一機多號」
服務計劃:點按此
下載: App StoreGoogle Play
*新客戶:未曾登記一機多號服務或參與一機多號任何試用計劃。

• 不想錯過新科技 ? 請 Follow unwire.hk FB 專頁 http://facebook.com/unwirehk/